ដោយ ៖ យឺន ពន្លឺ
ថ្ងៃទី 22-02-2012 ម៉ោង 14:59:01 ភ្នំពេញ ៖ ទូច រាជសីហ៍ អ្នកប្រដាល់ ក្លិបរស្មីកុមារកំព្រា បានផ្ដល់ឱកាសឱ្យ ភី សាយ័ន អ្នកប្រដាល់ក្លឹបមិត្ដប៉ូលិស ឡើងសងសឹកនៅសង្វៀនស្ថានីយទូរទស្សន៍ បាយ័ននាល្ងាចថ្ងៃសុក្រ ទី២៤ ខែកុម្ភៈ ឆ្នាំ២០១២នេះ អមដោយគូពិសេសចំនួន ៣គូផ្សេងទៀត ។
តាមរយៈការប្រកួតកន្លងមក ភី សាយ័ន តែងតែប្រើកណ្ដាប់ដៃមហា ទម្ងន់របស់ខ្លួនដើម្បីបង្ក្រាបសត្រូវ ។ ប៉ុន្ដែពេលមកជួបជាមួយជើងខ្លាំង រាជសីហ៍ មិនសូវជាទទួលបានលទ្ធផល ល្អទាល់តែសោះ ។ រវាងគូមួយនេះធ្លាប់ ជួបប្រកួតគ្នាម្ដងរួមមកហើយកាលពី ថ្ងៃទី២៧ ខែមករា ដោយ រាជសីហ៍ បាន ប្រើពេលតែមួយទឹកវាយ ភី សាយ័ន ឱ្យ សន្លប់នៅសង្វៀនបាយ័នដោយកណ្ដាប់ ដៃរបស់គេ ។
ភី សាយ័ន ជាអ្នកប្រដាល់ស្រករ ក្រោយដែរទេគ្រាន់តែគេមានស្នៀត ប្រដាល់ល្អ និងមានសមត្ថភាពអាចវ៉ៃ ជាមួយទូចរាជសីហ៍បាន ។ ទោះជាយ៉ាង ណា ភី សាយ័ន មានភាពរហ័សរហួន មានកលល្បិចច្រើន តែកម្លាំងស៊ុហ្វវិញ គឺមិនសូវខ្លាំងដូច ទូច រាជសីហ៍ ឡើយ។ ពេលជួបជាមួយ ទូច រាជសីហ៍ លើកនេះ ភី សាយ័ន នៅតែមានសង្ឃឹមតិចតួច ដើម្បីយកឈ្នះរាជសីហ៍ដោយសារតែ បញ្ហាកម្លាំងរបស់គេ ។
ចំណែកឯ រាជសីហ៍ គឺថាមិនដែល ចេះខ្លាចដៃគូឡើយ ពោលសម្រុករហូត ដល់៥ទឹកពេញតែម្ដង ។ ការប្រើកម្លាំង បាយរួមទាំងក្បាច់គុនអាចធ្វើឱ្យ រាជសីហ៍ មានទំនុកចិត្ដពេលឡើងប្រកួតម្ដងៗ ។ ទូច រាជសីហ៍ មិនជាខ្លាំងអីនោះទេ ប៉ុន្ដែ មានអំនួតដោយអាងលើកម្លាំងស៊ុហ្វ របស់គេខ្លាំង ។
រាល់ការប្រកួតរបស់រាជសីហ៍កន្លង មកមិនសូវដែលទទួលបានជ័យជំនះនោះឡើយ ។ គេវ៉ៃគ្មានស្នៀតគុនអ្វីច្បាស់ លាស់នោះទេ គ្រាន់តែគេវ៉ៃអាងកម្លាំង ខ្លាំងហើយគេសម្រុកចូលវាយគូប្រកួតមិនបង្អន់កណ្ដាប់ដៃនោះទេ ។ ដូច្នេះ ហើយបើគូប្រកួតទប់គេបានឬមិនបាន នោះច្បាស់ជាចាញ់រាជសីហ៍ហើយ តែ ពេលខ្លេះការសម្រុករបស់រាជសីហ៍ក៏ អាចធ្វើឱ្យខ្លួនឯងសន្លប់បានដែរ ព្រោះ រាជសីហ៍ សម្រុកចូលមិនចេះគិតមុខ គិតក្រោយ ។ មានការប្រកួតតិចណាស់ ដែលរាជសីហ៍សន្លប់ដោយការសម្រុកចូលមិនបានគិតឱ្យបានល្អិតល្អន់ ។
ចាំមើលថាការប្រកួតនៅថ្ងៃទី២៤ កុម្ភៈ នាសង្វៀនប៉ុស្ដិ៍បាយ័នរវាងកីឡាករ ទូច រាជសីហ៍ និងអ្នកប្រដាល់ជំនាន់ ក្រោយ ភី សាយ័ន អ្នកណាជាអ្នកឈ្នះ ?
គ្រៅពីគូជក់ចិត្ដនេះ នៅមានគូ ពិសេសផ្សេងទៀតដូចជា កីឡាការិនី សូយ ចាន់នី ក្លឹបអូដឹមកីឡា ត្រូវជួប ប្រកួតជាមួយកីឡាការិនី ម៉ុន សម្រស់ ក្លឹបមិត្ដប៉ូលិស ។ នូវ ស៊ីថា អ្នកប្រដាល់ ក្លឹបរាជសីហ៍បង្ក្រាបគ្រឿងញៀនខេត្ដ រតនគិរី នឹងជួបសងសឹកជាមួយ វ៉ាន់ មករា អ្នកប្រដាល់ក្លឹបដែនសមុទ្រមាន ឫទ្ធិ ខេត្ដកំពត ។ សេងហៀង អ្នក ប្រដាល់ក្លឹបបាត់ដំបងពាយ័ព្យ ក៏នឹង ឡើងសងសឹក នួន វិចិត្រ អ្នកប្រដាល់ ក្លឹបសម្រែករាជសីហ៍បង្ក្រាបគ្រឿងញៀន ផងដែរ ៕
![Highslide JS](http://www.nokorwatnews.com/files/t%281%29.jpg)
![Highslide JS](http://www.nokorwatnews.com/files/%287%29-28-3.jpg)
0 comments:
Post a Comment