ដោយ ៖ យឺន ពន្លឺ
ថ្ងៃទី 23-02-2012 ម៉ោង 14:13:11 ភ្នំពេញ ៖ កីឡាករពុទ្ធ ហ៊ុច សិស្ស គុនរបស់ក្លឹបពុទ្ធសេរីវង្សកីឡា ត្រូវបាន គណៈកម្មការផ្គូផ្គងដាក់ឱ្យសាកកណ្ដាប់ ដៃជាមួយសិស្សច្បងយឹម ឌៀប សិស្ស គុនក្នុងក្លឹបកីឡាប្រដាល់ក្រសួងការពារ ជាតិកម្រិតទម្ងន់៦៣,៥គីឡូក្រាម នៅ សង្វៀនស្ថានីយទូរទស្សន៍បាយ័នបឹងស្នោ នាល្ងាចថ្ងៃសៅរ៍ ទី២៥ ខែកុម្ភៈ ឆ្នាំ ២០១២ខាងមុខ ។
សម្រាប់ពុទ្ធ ហ៊ុច នឹងយឹម ឌៀប គឺ ជាលើកទី១ហើយ ដែលពួកគេត្រូវជួប គ្នា ។ ហេតុផលដែលតម្រូវឱ្យពុទ្ធ ហ៊ុច ត្រូវឡើងប្រកួតជាមួយរៀមច្បងដែល ធ្លាប់មានបទពិសោធន៍ប្រកួតស្ទើររាប់ ភ្លេចនោះ គឺព្រោះតែទម្ងន់របស់ពុទ្ធ ហ៊ុច ចេះតែកើនឡើងឥតឈប់ រហូត ស្មើជាមួយយឹម ឌៀប ។ ពុទ្ធ ហ៊ុច កាល ពីឆ្នាំ២០១១ គេប្រកួតក្នុងប្រភេទទម្ងន់ ៤៨គីឡូក្រាមប៉ុណ្ណោះ ពីព្រោះកីឡាករ រូបនេះក៏ធ្លាប់ទទួលបានមេដាយមាស១ គ្រឿងក្នុងកម្មវិធីប្រកួតកីឡាប្រដាល់ ក្បាច់គុនបុរាណខ្មែរជ្រើសរើសជើងឯក ទូទាំងប្រទេសនោះដែរ ។
គ្រូបង្វឹករបស់ក្លឹបពុទ្ធសេរី វង្សកីឡា លោកណន រិទ្ធ មានប្រសាសន៍ប្រាប់ ភ្នាក់ងារសារព័ត៌មាននគរវត្ដឱ្យដឹងថា “ខ្ញុំមានសង្ឃឹមចំពោះពុទ្ធ ហ៊ុច ៧០ ភាគរយ ដោយផ្អែកទៅលើបទពិសោធន៍ និងបច្ចេកទេសប្រកួតជាក់ស្ដែងលើរេញ របស់គេ” ។ លោកបានបញ្ជាក់បន្ថែម ទៅលើបញ្ហាខ្លះៗរបស់កីឡាករយឹម ឌៀប ដែលនាំឱ្យពុទ្ធ ហ៊ុច អាចនឹងមានឱកាស ឈ្នះបាននោះ គឺដោយសារលោកសង្កេត ឃើញយឹម ឌៀប ល្អបានតែមួយផ្នែកក្នុង ចំណោមស្នៀតពិសេសរបស់ក្បាច់គុន បុរាណខ្មែរ គឺកណ្ដាប់ដៃវាយម៉ាត់ ។ ម្យ៉ាងវិញទៀតមួយរយៈនេះការប្រកួត របស់គេបានដាំក្បាលចុះគួបផ្សំនឹងវ័យ កាន់តែចាស់បន្ដិចផងនាបច្ចុប្បន្ននេះ ។
លោកគ្រូណន រិទ្ធ បន្ដទៀតថា ចំពោះ កីឡាករពុទ្ធ ហ៊ុច សព្វថ្ងៃនេះគេពុំទាន់ មានមុខរបរផ្សេងក្រៅពីអាជីពជាអ្នក ប្រដាល់នោះទេ ។ ពុទ្ធ ហ៊ុច បន្ទាប់ពីមក ហាត់វិជ្ជាគុននៅក្លិបរួចគេត្រឡប់ទៅផ្ទះ ដើម្បីជួយសម្រាលការងារឪពុកម្ដាយ របស់គេ ។ ការប្រកួតចុងក្រោយរបស់ ពុទ្ធ ហ៊ុច បានត្រឹមស្មើពិន្ទុ ជាមួយកីឡា ករស៊ីវ ឌីណា នៅសង្វៀនបាយ័នបឹងស្នោ។
ពាក់ព័ន្ធនឹងបញ្ហាការប្រកួត ខាងលើ នេះ កាសែតនគរវត្ដពុំអាចរកការបំភ្លឺ ពីសំណាក់កីឡាករយឹម ឌៀប ក៏ដូចជា លោកគ្រូបង្វឹករបស់គេបានឡើយ ដោយ សារទូរស័ព្ទមិនចូល ។ ចំណែកឯលោក គ្រូឈិត សារឹម ជាប់បំពេញភារកិច្ច នៅក្រៅប្រទេសមិនទាន់ត្រឡប់មកវិញ។
ប្រភពព័ត៌មានពីអ្នកតាមដានកីឡា ប្រដាល់ក្បាច់គុនបុរាណខ្មែរទៅលើគូ ឯក យឹម ឌៀប និងពុទ្ធ ហ៊ុច ថា បើទោះ បីជាយឹម ឌៀប ចំណាស់បន្ដិចក៏ដោយ ក៏ពួកគេមានសង្ឃឹមថា យឹម ឌៀប អាច ទទួលបានជ័យជម្នះលើពុទ្ធ ហ៊ុច ។
ចំពោះគូពិសេសស៊ឹម ប៊ុនឆៃ មកពី ក្លិបព្រៃទទឹង ខេត្ដបាត់ដំបង ត្រូវជួប ប្រកួតជាមួយឡាវ ផាន់នាថ មកពីខេត្ដ បាត់ដំបងពាយ័ព្យ ក្នុងប្រភេទទម្ងន់៥៧ គីឡូក្រាម ។ ពួកគេទាំង២មានកម្រិត បច្ចេកទេសប្រហាក់ប្រហែលគ្នា គូនេះ ប្រសិនបើខាងណាម្នាក់មានការធ្វេស ប្រហែសតែបន្ដិចអាចនឹងមានឈាម ហូរមិនខានទេ ពីព្រោះកណ្ដាប់ដៃក៏ដូចជា កែង ជង្គង់របស់ពួកគេសុទ្ធតែអាចផ្ដួល ឱ្យដៃគូសន្លប់បានគ្រប់ពេលទាំងអស់ ៕
0 comments:
Post a Comment