ដោយ ៖ សារីម
ថ្ងៃទី 23-02-2012 ម៉ោង 14:17:10 ភ្នំពេញ ៖ កីឡាករ ឆេង ពន្លក មកពី ក្លិបសម្រែករាជសីហ៍បង្ក្រាបគ្រឿងញៀន នៅបង្គោលក្រហមគេហាក់មានហុងស៊ុយ ល្អជាង ផល សុភាព មកពីក្លិបឃ្លាំមឿង កីឡាខេត្ដពោធិ៍សាត់ ខណៈដែល ចិន្ថា សារឹម មកពីក្លិបយុវកីឡាខេត្ដកណ្ដាល ឋិតនៅបង្គោលក្រហមដែរ កំពុងមាន ប្រជាប្រិយភាពលើ ជឹម ដារ៉ា សិស្សគុន របស់ក្លិបសិង្ហកីឡា នៅពេលប្រកួតលើ សង្វៀនស៊ីធីអិន នារសៀលថ្ងៃសៅរ៍ទី២៥ ខែកុម្ភៈ ឆ្នាំ២០១២ខាងមុខនេះ ។
ប្រភពព័ត៌មានក្រៅផ្លូវការមួយបាន ធ្វើការវិភាគចំពោះកីឡាករទាំង២គូខាង លើយ៉ាងដូច្នេះថា មូលហេតុដែល ឆេង ពន្លក មានប្រជាប្រិយភាពខ្លាំងជាង ផល សុភាព ពីព្រោះ សុភាព ធ្លាប់មានប្រវត្ដិ ចាញ់ក្រោមកណ្ដាប់ដៃពន្លកម្ដងមកហើយ ក៏ប៉ុន្ដែអ្នកវិភាគរូបនោះបានបញ្ជាក់បន្ថែម ថា ថ្វីបើ ឆេង ពន្លក គេហាក់ទទួលបាន ការគាំទ្រពីសំណាក់អ្នកទស្សនាច្រើនក៏ ដោយក៏កម្រិតអ្នកលេងភ្នាល់លុយមិន ហ៊ានចាប់យក ឆេង ពន្លក បោះឱ្យ សុភាព រងភ្លាមៗនោះដែរ ។
ចំណែកកីឡាករ ចន្ថា សារឹម ឈរនៅ បង្គោលក្រហមដែលក្រុមអ្នកវិភាគកីឡា ក្នុងស្រុកបានចាត់ទុកថា ជាបង្គោលហុង ស៊ុយល្អសម្រាប់ការប្រកួតនៅថ្ងៃទី២៥ ខែកុម្ភៈ ឆ្នាំ២០១២ខាងមុខនេះ គេត្រូវ ឡើងសងសឹកជាមួយ ជឹម ដារ៉ា ។
រវាង ចន្ថា សារឹម ក៏មានការកត់ សម្គាល់ពីសំណាក់អ្នកព្យាករណ៍កីឡា សម្រាប់ទីផ្សារភ្នាល់លោក ហុង បាន លើក ហេតុផលយ៉ាងដូច្នេះថា ចិន្ថា សារឹម មាន កម្ពស់ខ្ពស់ រីឯស្នៀតប្រយុទ្ធរបស់គេល្អ ទាំងដៃ ទាំងទាត់ និងជង្គង់ ។ ចំណុចពិសេស មួយទៀត គឺមុខរឹង ហើយស៊ូក្នុងការវាយ លុកពីសំណាក់គូប្រកួតរបស់ខ្លួន ហេតុ ដូច្នេះហើយទើប ចន្ថា សារឹម គេទទួល បានការលើកទឹកចិត្ដពីគ្រប់មជ្ឈដ្ឋាន ។
ចំពោះ ជឹម ដារ៉ា វិញគេប្រើកណ្ដាប់ ដៃបានល្អរួមទាំងការប្រើជើងធាក់ និង ទាត់ក៏ដូចជាការប្រើកែងដែរ ប៉ុន្ដែអន់មុខ បន្ដិច ។
យស់ សំអាល់ មកពីក្លិបឃ្លាំងមឿង កីឡាខេត្ដពោធិ៍សាត់ នៅបង្គោលក្រហម ត្រូវប៉ះជាមួយ ជិន រ៉ា មកពីសមាគមន៍ កីឡាប្រដាល់ក្រសួងការពារជាតិក្នុង ប្រភេទទម្ងន់៥៧គីឡូក្រាម ។ ចំពោះ យស់ សំអាល់ គេទទួលបានការគាំទ្រយ៉ាងច្រើន លើសលប់ដោយសារតែ សំអាល់ មាន ប្រៀបស្ទើរគ្រប់បែបយ៉ាងទាំងអស់ ។
នេន វណ្ណា មកពីក្លិបកងពលធំអន្ដរា គមន៍លេខ៣ខេត្ដព្រះវិហារ នៅងង្គោល ក្រហម ត្រូវជួបនឹង គិន សំបូរ មកពីក្លិប រកាខ្នុរគុនខ្មែរបង្ក្រាបគ្រឿងញៀន ប្រកួត ក្នុងប្រភេទទម្ងន់៦០គីឡូក្រាម ។ គូនេះ នេន វណ្ណា គេមានប្រៀបច្រើនជាងសំបូរ។
ដោយឡែកការប្រកួតជាលក្ខណៈ សាកលអាជីពរវាងកីឡាករ ផល សោភ័ណ្ឌ មកពីក្លិបតាឡីដំរីមានរិទ្ធ នឹង វី សាវុធ សិស្សគុនរបស់ក្លិបឥទ្ទ្រីកីឡាបង្ក្រាបគ្រឿង ញៀនខេត្ដកណ្ដាល គឺគូនេះគេពិបាកធ្វើ ការទស្សន៍ទាយខ្លាំងណាស់ ។ វី សាវុធ បើ ទោះបីជាគេប្រើកណ្ដាប់ដៃវាយលឿនយ៉ាង ណាក៏មិនអាចវាយឱ្យ សោភ័ណ្ឌ បាក់ស្រុត បានដែរ ប៉ុន្ដែបើ សោភ័ណ្ឌ គេវាយបក សងវិញ វី សាវុធ អាចនឹងពិបាកទប់ជំហរ ហើយ ។
គូចុងក្រោយគឺ កែវ ចិន្ដា មកពីក្លិប រ៉ាហាប់ស្វាយប៉ាកត្រូវជួបប្រកួតជាមួយ ឈិន សុខរ័ត្ន មកពីក្លិបតាឡីដំរីមានរិទ្ធ ក្នុងប្រភេទទម្ងន់៦០គីឡូក្រាម ។ ចំពោះ គូនេះ កែវ ចិន្ដា គេមានសង្ឃឹមឈ្នះច្រើនជាងចាញ ៕
0 comments:
Post a Comment